|
| 一連三日幫老細O係四季酒店睇booth. 好蹺間酒店只係離我屋企五分鐘單車程, 所以呢幾日都踩單車去睇booth. O個度個個人都著西裝 , 所以我都著返條裙啦, 不過高踭鞋加短裙踩單車好多人望住... 個conference 一日食六餐 早餐->茶點->午餐->下午茶->cocktail->晚飯 不過好彩無肥到 , 因為由朝企到黑, 加埋對四吋半高踭鞋... 佔大部份參加既人係警察 ,我地香港都有海關既代表 , 仲有singapore , 威爾斯, 納米比亞,法國..... 老細比左四百歐人工我, 我自己加多一百歐, 叫老細拎D 錢返去比我表弟再比我亞媽~ 呢幾日有人同我吹水 , 好開心 | | |
| 一早收到EAMON 既電話, 佢話今朝開左個會, 會上公司宣佈左個消息, 公司將會O係六個月內解散整個部門, 受影响既總共有三十個員工. Eamon 聽到個消息都好震驚...不過無商量既餘地, 係 management 既決定. 佢話一陣會有management 逐個單獨同佢地見面. 如果Eamon 無埋份工 , 我地吾知會點... 或者我應該慶幸我個大學course 取消左, 如果吾係...點負擔得起? | | |
| 睇yahoo 新聞, 新疆地方政府話香港記者煽動鬧事 + 拒絕出示記者証 , 所以才被毆打...採訪暴亂變成煽動鬧事...係咪D 記者同維人一齊扎針??? 講出黎都十分牽強....仲有, 我想問點"解煽動鬧事 + 拒絕出示記者証" 會係被人毆打, 而吾係被拘捕呢? 點解公安可以隨便用武力? 點解呢兩個"原因" 就可以令公安渣正牌打人呢?? 好激氣點解自己祖國仲係用緊呢D 手段去歪曲事實, 中國永遠都無錯 , 暴亂中一個人都無死到....中國官方越黎越無公信力 有時因為吾係香港, 中國新聞都係O係網上睇返黎...睇親次次都無好野...對中國政府既印象越黎越差 | | |
| 間學校係專問讀電腦同BUSINESS, 即係得兩個faculty , 共八個bachelor 揀, 而家取消左一個...我吾讀IT , 即係有三個選擇 佢地而家想盡辦法留住我(D錢), 話想盡量協助我...佢打電話比我, UP 左幾科比我"揀" , 我話我無興趣, 個女仔竟然叫我去讀佢地D High Dip. 佢話high dip 多D 野讀, 不過比本來我需要讀既多一年(交多一年學費)... 聽日佢話搵同事幫我...聽日去學校聽下佢可以比D 乜野options 我. 不過對呢間學校無晒信心... | | |
| 因為九月七日開學, 但係好耐都仲未收到學校寄比我既信 , 叫我幾時入學註冊 , 我就send 左個email 比 international office (IO)問, 個女仔就叫我星期四去學校做Orientation 同註冊, 當時我覺得個女仔失職 ,因為今日已經星期一 , 我都仲未收到信, 最後仲要我問佢, 佢先話我知星期四入學, 我就send 番個email 問佢點解無任何書信話我知 下午我直接走去學校 , 入general student office(GSO) 度問, 個職員話我個course 吾夠人讀, 今年取消...我當時吾知係激氣定傍徨, 喊左出黎... 我話點解咁大件事無人通知我...仲要有職員叫我星期四入學...佢話係佢地或者IO 通知我 , 但係最後可無人通知我... 我心裡有一絲希望係GSO 搞錯左 , 於是上IO 度問, 個女仔竟然話吾知個COURSE 取消左 , 佢話同我落樓下GSO 問. 最後答案係個COURSE真係取消左 , 但係吾知點解佢地無通知到我... 佢話一係叫我拎番錢一係就讀過第二科( 個女仔話我可以任揀, 佢可以安排我入任何一科, 無問題, 吾使assessment) , 好似幫左我一個大忙咁...我話我而家決定吾到, 要返屋企諗過...我心諗, 你地學校好廢! 白白浪費左幾個月, 以為自己就黎開學 , 點知佢D 愛爾蘭人做乜野都做一半, 搞到我而家半天吊, 好憎佢地D 廢人廢物廢事件...完全無system無效率 | | |
|
